En meðan Anakinn ok Dúku borðusk, kom Jóði til skips.
"Faðir," segir Dúkú Jóðason.
"Sonr," segir Jóði Gormóarson.
Dúkú mælti: "Þú hefir hindrat mik it seinsta sinn."
Sonr brá sverði mót foður, ok faðir brá sverði mót syni. Lengi borðusk þeir,
sverð mót sverði, unz mælti Jóði: "Vel hefir þú barizk, sonr minn."
En Dúkú svaraði með brósu, áðr en hann hljóp ór skipi inn í bát fyrir neðan
í vatninu, ok bátrinn hvarf.
XI. Kapítuli: Frá falli Dúkús Jóðasonar (Chapter 11: Concerning the Fall of
Dúkú Jóðason)
Þat skip, er Dúkú hafði stolit frá Jóða foður sínum, var it skjótlegasta
skip, ok Jóði átta ekki annat, er kunni ná tokum á því. Ok þat var margir
menn, er stóðu í mót Jeðifjorðumonnum enn, ok bardagi helt áfram lengi.
En þá er menn Dúkús váru drepnir eða flýðir, man Víga-Óbívan eftir því, at
Anakinn var á einu skipi Jóða. Hann reri út til þessa skips, ok vænti ekki
þess, at hann skyli finna Anakinn á lífi, því at Jóði sagði honum frá inu
stóra sári, er Dúkú veitti honum. En Víga-Óbívan fann Anakin lifanda, þó
eigi vakanda.
Víga-Óbívan tók Anakin aptr til fjoru, ok sýndi hann til Jóða ok Meisar
Vindússonar. Meis spurði, hvárt Víga-Óbívan vildi, at sjá þrælsson lifi.
"Já víst," segir Víga-Óbívan, "Er þat eigi satt, at langfaðir minn Jóði
spáði, at maðr komi til Jeðifjarðinga, maðr þrælborinn, ok sættisk á málit
við Falfaðin?"
"Svá spáða ek," segir Jóði, "En þat er mogulegt, at vér skiljum þenna spádóm
eigi."
"Hann skal eigi blekkja oss," segir Víga-Óbívan, "Því at ek hefi tekinn hann
til mín sem minn bróður."
"Þú trúir mikit á spádóm, sem faðir þinn Kvæggan," mælti Meis, "En því at
Anakinn hefir borgnum þér, vil ek lækna hann. En ek trúi eigi á þenna
þrælsson, ok hjarta mitt segir mér, at vér munum harma þetta, at ek hann
hefir borginn."
Jóði Gormóarson var maðr forspár, en Meis Vindússon var fjolkunnigr. Hann
smíðaði nýja hond til Anakins, ok sjá hond var gor af silfri. Þá setti hann
þessa hond til handleggjar Anakins, ok kvað galdra yfir honum: