Þeir Víga-Óbívan ok Anakinn bjuggu þar á Dagóbu morg ár með Jóða; hann var
maðr mjok gamall, en svá sterkr, sem hann var á oskualdri. Hann kenndi
Anakni at berja sem menn frá Jeðifjorðum, ok varð Anakinn inn mesti
kappsmaðr. Um sumur fóru út þeir Víga-Óbívan ok Anakinn í víking. En Jóði
vildi aldregi aptr fara ór eynni Dagóbu.

Anakinn vex upp þar á Dagóbu í Færeyjum. Hann var allra manna fríðastr,
þeira er fozk hafa á Íslandi; hann var mikilleitr ok vel farinn í andliti,
manna bezt eygðr ok ljóslitaðr; mikit hár hafði hann ok fagrt sem silki, ok
fell með lokkum, mikill maðr ok sterkr, eptir sem verit hafði Kvæggan.
Anakinn var hverjum manni betr á sik kominn, svá at allir undruðusk, þeir er
sá hann; betr var hann ok vígr en flestir menn aðrir; vel var hann hagr ok
syndr manna bezt; allar íþróttir hafði hann mjok umfram aðra menn.

En þá er þau hofðu verit á Dagóbu tíu ár, var Paðéma drottning á fjórða ok
tuttuganda vetr, ok Anakinn himingangari á átjánda vetr. Hon reiddisk mjok,
at þau hofðu aldregi komit til Noregs. Víga-Óbívani þótti, at Anakinn var
roskinn ok búinn at hefna Kvæggans, en Jóða þótti, at Anakinn var ungr mjok
ok reiðr, "Ok þú, Óbívan, mjok líkr foðurfeðr þínum ert þú, ok vill ekki
hlýða góðum ráðum, ok þarft þú þessa skaplyndis ekki."

At líku fer Víga-Óbívan til Noregs, ok með hann Paðéma ok Anakinn.

Þeim byrjaði vel, tóku Noreg norðr við Jeðifjorðu. Víga-Óbívan segir, "At
þú, Anakinn, far með Paðému til Koruskantborgar. Ok ek mun finna Meis
Vindússon, vinr foður míns, í Jeðifjorðum. Ek fæ eigi komit til
Koruskantborgar, því at konungr kennir ætt mína, ok hann mundi drepa mik sem
skjótast. En bíð þú með Paðému, ok ver þú hana fyrir konungs monnum, unz ek
kem aptr með Jeðifjarðamenn."
Fred and Grace Hatton
Hawley Pa