Dear Yong Peng,
y> Dimitry: can you lead us in the task of the translation? Thank you.
It's an honour. First I'd like to post the text of the sutta in
transliteration for the convenience of future messages.
Metta,
Dimitry
Majjhimanikaayo 62
Mahaaraahulovaada sutta.m
Eva.m me suta.m - eka.m samaya.m Bhagavaa saavatthiya.m viharati
jetavane anaathapi.n.dikassa aaraame. Atha kho Bhagavaa
pubba.nhasamaya.m nivaasetvaa pattaciivaramaadaaya saavatthi.m
pi.n.daaya paavisi. Ааyasmaapi kho Raahulo pubba.nhasamaya.m
nivaasetvaa pattaciivaramaadaaya Bhagavanta.m pi.t.thito pi.t.thito
anubandhi. Atha kho Bhagavaa apaloketvaa aayasmanta.m Raahula.m
aamantesi -
"Ya.m ki~nci, Raahula, ruupa.m - atiitaanaagatapaccuppanna.m
ajjhatta.m vaa bahiddhaa vaa o.laarika.m vaa sukhuma.m vaa hiina.m vaa
pa.niita.m vaa ya.m duure santike vaa - sabba.m ruupa.m 'neta.m mama,
nesohamasmi, na meso attaa'ti evameta.m yathaabhuuta.m
sammappa~n~naaya da.t.thabban"ti.
"Ruupameva nu kho, Bhagavaa, ruupameva nu kho, sugataa"ti?
"Ruupampi, Raahula, vedanaapi, Raahula, sa~n~naapi, Raahula,
sa'nkhaaraapi, Raahula, vi~n~naa.nampi, Raahulaa"ti.
Atha kho aayasmaa Raahulo "Ko najja Bhagavataa sammukhaa ovaadena
ovadito gaama.m pi.n.daaya pavisissatii"ti tato pa.tinivattitvaa
a~n~natarasmi.m rukkhamuule nisiidi palla'nka.m aabhujitvaa uju.m
kaaya.m pa.nidhaaya parimukha.m sati.m upa.t.thapetvaa. Addasaa kho
aayasmaa saariputto aayasmanta.m Raahula.m a~n~natarasmi.m rukkhamuule
nisinna.m palla'nka.m aabhujitvaa uju.m kaaya.m pa.nidhaaya
parimukha.m sati.m upa.t.thapetvaa. Disvaana aayasmanta.m Raahula.m
aamantesi -
"Aanaapaanassati.m, Raahula, bhaavana.m bhaavehi. Ааnaapaanassati,
Raahula, bhaavanaa bhaavitaa bahuliikataa mahapphalaa hoti
mahaanisa.msaa"ti.
Atha kho aayasmaa Raahulo saayanhasamaya.m pa.tisallaanaa vu.t.thito
yena Bhagavaa tenupasa'nkami; upasa'nkamitvaa Bhagavanta.m
abhivaadetvaa ekamanta.m nisiidi. Ekamanta.m nisinno kho aayasmaa
Raahulo Bhagavanta.m etadavoca -
"Katha.m bhaavitaa nu kho, bhante, aanaapaanassati, katha.m
bahuliikataa mahapphalaa hoti mahaanisa.msaa"ti?
"Ya.m ki~nci, Raahula, ajjhatta.m paccatta.m kakkha.la.m kharigata.m
upaadinna.m, seyyathida.m - kesaa lomaa nakhaa dantaa taco ma.msa.m
nhaaru a.t.thi a.t.thimi~nja.m vakka.m hadaya.m yakana.m kilomaka.m
pihaka.m papphaasa.m anta.m antagu.na.m udariya.m kariisa.m, ya.m vaa
pana~n~nampi ki~nci ajjhatta.m paccatta.m kakkha.la.m kharigata.m
upaadinna.m - aya.m vuccati, Raahula, ajjhattikaa pathaviidhaatu. Yaa
ceva kho pana ajjhattikaa pathaviidhaatu yaa ca baahiraa
pathaviidhaatu, pathaviidhaaturevesaa. Ta.m 'neta.m mama, nesohamasmi,
na meso attaa'ti - evameta.m yathaabhuuta.m sammappa~n~naaya
da.t.thabba.m. Evameta.m yathaabhuuta.m sammappa~n~naaya disvaa
pathaviidhaatuyaa nibbindati, pathaviidhaatuyaa citta.m viraajeti".
"Katamaa ca, Raahula, aapodhaatu? Ааpodhaatu siyaa ajjhattikaa, siyaa
baahiraa. Katamaa ca, Raahula, ajjhattikaa aapodhaatu? Ya.m ajjhatta.m
paccatta.m aapo aapogata.m upaadinna.m, seyyathida.m - pitta.m semha.m
pubbo lohita.m sedo medo assu vasaa khe.lo si'nghaa.nikaa lasikaa
mutta.m, ya.m vaa pana~n~nampi ki~nci ajjhatta.m paccatta.m aapo
aapogata.m upaadinna.m - aya.m vuccati, Raahula, ajjhattikaa
aapodhaatu. Yaa ceva kho pana ajjhattikaa aapodhaatu yaa ca baahiraa
aapodhaatu aapodhaaturevesaa. Ta.m 'neta.m mama, nesohamasmi, na meso
attaa'ti - evameta.m yathaabhuuta.m sammappa~n~naaya da.t.thabba.m.
Evameta.m yathaabhuuta.m sammappa~n~naaya disvaa aapodhaatuyaa
nibbindati, aapodhaatuyaa citta.m viraajeti.
"Katamaa ca, Raahula, tejodhaatu? Tejodhaatu siyaa ajjhattikaa, siyaa
baahiraa. Katamaa ca, Raahula, ajjhattikaa tejodhaatu? Ya.m ajjhatta.m
paccatta.m tejo tejogata.m upaadinna.m, seyyathida.m - yena ca
santappati yena ca jiiriiyati yena ca pari.dayhati yena ca
asitapiitakhaayitasaayita.m sammaa pari.naama.m gacchati, ya.m vaa
pana~n~nampi ki~nci ajjhatta.m paccatta.m tejo tejogata.m upaadinna.m
- aya.m vuccati, Raahula, ajjhattikaa tejodhaatu. Yaa ceva kho pana
ajjhattikaa tejodhaatu yaa ca baahiraa tejodhaatu tejodhaaturevesaa.
Ta.m 'neta.m mama, nesohamasmi, na meso attaa'ti - evameta.m
yathaabhuuta.m sammappa~n~naaya da.t.thabba.m. Evameta.m
yathaabhuuta.m sammappa~n~naaya disvaa tejodhaatuyaa nibbindati,
tejodhaatuyaa citta.m viraajeti.
"Katamaa ca, Raahula, vaayodhaatu? Vaayodhaatu siyaa ajjhattikaa,
siyaa baahiraa. Katamaa ca, Raahula, ajjhattikaa vaayodhaatu? Ya.m
ajjhatta.m paccatta.m vaayo vaayogata.m upaadinna.m, seyyathida.m -
uddha'ngamaa vaataa, adhogamaa vaataa, kucchisayaa vaataa,
ko.t.thaasayaa vaataa, a'ngama'ngaanusaarino vaataa, assaaso passaaso,
iti ya.m vaa pana~n~nampi ki~nci ajjhatta.m paccatta.m vaayo
vaayogata.m upaadinna.m - aya.m vuccati, Raahula, ajjhattikaa
vaayodhaatu. Yaa ceva kho pana ajjhattikaa vaayodhaatu yaa ca baahiraa
vaayodhaatu vaayodhaaturevesaa. Ta.m 'neta.m mama, nesohamasmi, na
meso attaa'ti - evameta.m yathaabhuuta.m sammappa~n~naaya
da.t.thabba.m. Evameta.m yathaabhuuta.m sammappa~n~naaya disvaa
vaayodhaatuyaa nibbindati, vaayodhaatuyaa citta.m viraajeti.
"Katamaa ca, Raahula, aakaasadhaatu? Ааkaasadhaatu siyaa ajjhattikaa,
siyaa baahiraa. Katamaa ca, Raahula, ajjhattikaa aakaasadhaatu? Ya.m
ajjhatta.m paccatta.m aakaasa.m aakaasagata.m upaadinna.m,
seyyathida.m - ka.n.nacchidda.m naasacchidda.m mukhadvaara.m, yena ca
asitapiitakhaayitasaayita.m ajjhoharati, yattha ca
asitapiitakhaayitasaayita.m santi.t.thati, yena ca
asitapiitakhaayitasaayita.m adhobhaaga.m nikkhamati, ya.m vaa
pana~n~nampi ki~nci ajjhatta.m paccatta.m aakaasa.m aakaasagata.m,
agha.m aghagata.m, vivara.m vivaragata.m, asamphu.t.tha.m,
ma.msalohitehi upaadinna.m - aya.m vuccati, Raahula, ajjhattikaa
aakaasadhaatu. Yaa ceva kho pana ajjhattikaa aakaasadhaatu yaa ca
baahiraa aakaasadhaatu aakaasadhaaturevesaa. Ta.m 'neta.m mama,
nesohamasmi, na meso attaa'ti - evameta.m yathaabhuuta.m
sammappa~n~naaya da.t.thabba.m. Evameta.m yathaabhuuta.m
sammappa~n~naaya disvaa aakaasadhaatuyaa citta.m nibbindati,
aakaasadhaatuyaa citta.m viraajeti.
"Pathaviisama.m, Raahula, bhaavana.m bhaavehi. Pathaviisama~nhi te,
Raahula, bhaavana.m bhaavayato uppannaa manaapaamanaapaa phassaa
citta.m na pariyaadaaya .thassanti. Seyyathaapi, Raahula, pathaviyaa
sucimpi nikkhipanti, asucimpi nikkhipanti, guuthagatampi nikkhipanti,
muttagatampi nikkhipanti, khe.lagatampi nikkhipanti, pubbagatampi
nikkhipanti, lohitagatampi nikkhipanti, na ca tena pathavii
a.t.tiiyati vaa haraayati vaa jigucchati vaa; evameva kho tva.m,
Raahula, pathaviisama.m bhaavana.m bhaavehi. Pathaviisama~nhi te,
Raahula, bhaavana.m bhaavayato uppannaa manaapaamanaapaa phassaa
citta.m na pariyaadaaya .thassanti.
"Ааposama.m, Raahula, bhaavana.m bhaavehi. Ааposama~nhi te, Raahula,
bhaavana.m bhaavayato uppannaa manaapaamanaapaa phassaa citta.m na
pariyaadaaya .thassanti. Seyyathaapi, Raahula, aapasmi.m sucimpi
dhovanti, asucimpi dhovanti, guuthagatampi dhovanti, muttagatampi
dhovanti, khe.lagatampi dhovanti, pubbagatampi dhovanti, lohitagatampi
dhovanti, na ca tena aapo a.t.tiiyati vaa haraayati vaa jigucchati
vaa; evameva kho tva.m, Raahula, aaposama.m bhaavana.m bhaavehi.
Ааposama~nhi te, Raahula, bhaavana.m bhaavayato uppannaa
manaapaamanaapaa phassaa citta.m na pariyaadaaya .thassanti.
"Tejosama.m, Raahula, bhaavana.m bhaavehi. Tejosama~nhi te, Raahula,
bhaavana.m bhaavayato uppannaa manaapaamanaapaa phassaa citta.m na
pariyaadaaya .thassanti. Seyyathaapi, Raahula, tejo sucimpi dahati,
asucimpi dahati, guuthagatampi dahati, muttagatampi dahati,
khe.lagatampi dahati, pubbagatampi dahati, lohitagatampi dahati, na ca
tena tejo a.t.tiiyati vaa haraayati vaa jigucchati vaa; evameva kho
tva.m, Raahula, tejosama.m bhaavana.m bhaavehi. Tejosama~nhi te,
Raahula, bhaavana.m bhaavayato uppannaa manaapaamanaapaa phassaa
citta.m na pariyaadaaya .thassanti.
"Vaayosama.m, Raahula, bhaavana.m bhaavehi. Vaayosama~nhi te, Raahula,
bhaavana.m bhaavayato uppannaa manaapaamanaapaa phassaa citta.m na
pariyaadaaya .thassanti. Seyyathaapi, Raahula, vaayo sucimpi
upavaayati, asucimpi upavaayati, guuthagatampi upavaayati,
muttagatampi upavaayati, khe.lagatampi upavaayati, pubbagatampi
upavaayati, lohitagatampi upavaayati, na ca tena vaayo a.t.tiiyati vaa
haraayati vaa jigucchati vaa; evameva kho tva.m, Raahula, vaayosama.m
bhaavana.m bhaavehi. Vaayosama~nhi te, Raahula, bhaavana.m bhaavayato
uppannaa manaapaamanaapaa phassaa citta.m na pariyaadaaya .thassanti.
"Ааkaasasama.m, Raahula, bhaavana.m bhaavehi. Ааkaasasama~nhi te,
Raahula, bhaavana.m bhaavayato uppannaa manaapaamanaapaa phassaa
citta.m na pariyaadaaya .thassanti. Seyyathaapi, Raahula, aakaaso na
katthaci pati.t.thito; evameva kho tva.m, Raahula, aakaasasama.m
bhaavana.m bhaavehi. Ааkaasasama~nhi te, Raahula, bhaavana.m
bhaavayato uppannaa manaapaamanaapaa phassaa citta.m na pariyaadaaya
.thassanti.
"Metta.m, Raahula, bhaavana.m bhaavehi. Metta~nhi te, Raahula,
bhaavana.m bhaavayato yo byaapaado so pahiiyissati. Karu.na.m,
Raahula, bhaavana.m bhaavehi. Karu.na~nhi te, Raahula, bhaavana.m
bhaavayato yaa vihesaa saa pahiiyissati. Mudita.m, Raahula, bhaavana.m
bhaavehi. Mudita~nhi te, Raahula, bhaavana.m bhaavayato yaa arati saa
pahiiyissati. Upekkha.m, Raahula, bhaavana.m bhaavehi. Upekkha~nhi te,
Raahula, bhaavana.m bhaavayato yo pa.tigho so pahiiyissati.
"Asubha.m, Raahula, bhaavana.m bhaavehi. Asubha~nhi te, Raahula,
bhaavana.m bhaavayato yo raago so pahiiyissati. Aniccasa~n~na.m,
Raahula, bhaavana.m bhaavehi. Aniccasa~n~na~nhi te, Raahula,
bhaavana.m bhaavayato yo asmimaano so pahiiyissati.
"Ааnaapaanassati.m, Raahula, bhaavana.m bhaavehi. Ааnaapaanassati hi
te, Raahula, bhaavitaa bahuliikataa mahapphalaa hoti mahaanisa.msaa.
Katha.m bhaavitaa ca, Raahula, aanaapaanassati, katha.m bahuliikataa
mahapphalaa hoti mahaanisa.msaa? Idha, Raahula, bhikkhu ara~n~nagato
vaa rukkhamuulagato vaa su~n~naagaaragato vaa nisiidati palla'nka.m
aabhujitvaa uju.m kaaya.m pa.nidhaaya parimukha.m sati.m
upa.t.thapetvaa. So satova assasati satova passasati.
"Diigha.m vaa assasanto 'diigha.m assasaamii'ti pajaanaati,
diigha.m vaa passasanto 'diigha.m passasaamii'ti pajaanaati;
rassa.m vaa assasanto 'rassa.m assasaamii'ti pajaanaati,
rassa.m vaa passasanto 'rassa.m passasaamii'ti pajaanaati.
'Sabbakaayappa.tisa.mvedii assasissaamii'ti sikkhati;
'sabbakaayappa.tisa.mvedii passasissaamii'ti sikkhati;
'passambhaya.m kaayasa'nkhaara.m assasissaamii'ti sikkhati;
'passambhaya.m kaayasa'nkhaara.m passasissaamii'ti sikkhati.
"'Piitippa.tisa.mvedii assasissaamii'ti sikkhati;
'piitippa.tisa.mvedii passasissaamii'ti sikkhati;
'sukhappa.tisa.mvedii assasissaamii'ti sikkhati;
'sukhappa.tisa.mvedii passasissaamii'ti sikkhati;
'cittasa'nkhaarappa.tisa.mvedii assasissaamii'ti sikkhati;
'cittasa'nkhaarappa.tisa.mvedii passasissaamii'ti sikkhati;
'passambhaya.m cittasa'nkhaara.m assasissaamii'ti sikkhati;
'passambhaya.m cittasa'nkhaara.m passasissaamii'ti sikkhati.
"'Cittappa.tisa.mvedii assasissaamii'ti sikkhati;
'cittappa.tisa.mvedii passasissaamii'ti sikkhati;
'abhippamodaya.m citta.m assasissaamii'ti sikkhati;
'abhippamodaya.m citta.m passasissaamii'ti sikkhati;
'samaadaha.m citta.m assasissaamii'ti sikkhati;
'samaadaha.m citta.m passasissaamii'ti sikkhati;
'vimocaya.m citta.m assasissaamii'ti sikkhati;
'vimocaya.m citta.m passasissaamii'ti sikkhati.
"'Aniccaanupassii assasissaamii'ti sikkhati;
'aniccaanupassii passasissaamii'ti sikkhati;
'viraagaanupassii assasissaamii'ti sikkhati;
'viraagaanupassii passasissaamii'ti sikkhati;
'nirodhaanupassii assasissaamii'ti sikkhati;
'nirodhaanupassii passasissaamii'ti sikkhati;
'pa.tinissaggaanupassii assasissaamii'ti sikkhati;
'pa.tinissaggaanupassii passasissaamii'ti sikkhati.
"Eva.m bhaavitaa kho, Raahula, aanaapaanassati, eva.m bahuliikataa
mahapphalaa hoti mahaanisa.msaa. Eva.m bhaavitaaya, Raahula,
aanaapaanassatiyaa, eva.m bahuliikataaya yepi te carimakaa assaasaa
tepi viditaava nirujjhanti no aviditaa"ti.
Idamavoca Bhagavaa. Attamano aayasmaa Raahulo Bhagavato bhaasita.m
abhinandiiti.