Sorry to have missed last week's posting of Star Wars. We had unexpected
but very welcome company come for a visit.
Grace
"Þat er val á því, Anakinn jarl," segir Falfaðinn konungr, "Hvárt þú vilir
bjarga mér eða Meis. En ek einn kann svá vinna, at Paðéma dróttning lifir,
ok þú sér eiðrofi ok griðníðingr, ef dróttin þinn þú drepir."
Síðan brá Anakinn himingangari Ljósamæki inum rauða í silfrhondinni, ok drap
Meis Vindússon.
Anakinn himingangari knéfell, en Falfaðinn konungr hló.
"Ek em eiðrofi," segir Anakinn himingangari, "Ok skóggangsmaðr. Ek em eigi
verðr þess þeirar somðar, er þú veiðir mér."
"Þú ert hirðmaðr minn ok lærisveinn, ok bráðum skaltu nema þann seið, er fær
lífi Paðému dróttningar borgnu, ok þú sjálfr skalt verða jarl í Nóregi."
"Ek vil gøra þat eitt, er þú biðr, herra," segir Anakinn himingangari.
"Vel er þat," segir Falfaðinn konungr, "Meðan þú vart hér með mik í
Koruskantborg, ek get í hug Jeðifjorðumonnum, at þeir sendi þenna mann
hingat leyniliga, ok vildi hann mik drepa, eða kúga. Þeir eru ódrengiligir
menn, jafnvel bandamaðr þinn Víga-Óbívan Kvæggansson. Farðu til Jeðifjarða,
drep þá alla, hvárn lifanda í þeim fjorðum, Anakinn jarl. Þangat skaltu fara
leysingi, þaðan skaltu koma aptr jarl, ok nema þann seið, ok vit skulum
bjarga dróttningu þinni ok konunglegu barni."