Sorry, I messed up and sent the translation we had already done last week.
Grace
Þat var einu hverju sinni, at þeir fengu áfoll stór þrjú nokkur, ok sagði
Víga-Óbívan þá, at þeir væri nær londum ok þetta væri grunnfoll. Þoka var á
mikil, en veðrit óx, svá at gerði at þeim hríð mikla. Fundu þeir eigi, fyrr
en þá keyrði á land upp um nótt, ok varð þar mannbjorg, en skip brotnaði
allt í spán, en fé máttu þeir ekki bjarga. Urðu þeir at leita sér verma.
En um daginn eptir gengu þeir upp á hæð nokkura. Var þá veðr gott.
Víga-Óbívan spurði, ef þeir menn kenndi land þetta, er farit hofðu áðr.
Tveir váru menn, þeir er kenndu landit ok sogðu þá vera komna við Írland í
Þíðborg. "Fá máttu vér verri landtoku," segir Víga-Óbívan, "því at Paðéma in
væna Rúvísdóttir ræðr hér. Við henni ok Falfaðni er þat ekki mart. Ganga
skulu vér á vald dróttningarinnar; gerir oss ekki annat, því at dróttning
hefir at líku líf várt, ef hon vill eptir því leita." Ganga þeir þá allir í
braut þaðan. Víga-Óbívan mælti, at þær skyldu engum manni segja tíðendin eða
frá ferðum sinni, fyrr en hann segði dróttningu.
Fóru þeir þá, til þess er þeir fundu menn þá, er þeim vísuðu til
dróttningar; gengu þeir þá fyrir dróttning, ok kvoddu Víga-Óbívan ok Anakinn
hana ok allir þeir.
Paðéma Rúvísdóttir var kvenna vænst er upp óxu í heimi, bæði at ásjónu ok
vitsmunum. Þat var at ágætum gort, hversu fogr hon var, ok því var hon
kolluð Paðéma in væna. Paðéma var kurteis kona svá at í þann tíma þóttu allt
barnavipr þat er aðrar konur hofðu í skarti hjá henni. Allra kvenna var hon
konst og bezt orði farin. Hon var orlynd dróttning.
Dróttning spurði, hvat manna þeir væri. Víga-Óbívan nefndi sik og sagði, ór
hverri sveit hann var af Íslandi. Dróttning hafði spurt áðr, at Falfaðinn
sendi Maul inn rauða til þess at drepa Kvæggan Dúkússon ok Jóða Gormóarson,
ok kenndisk hon þegar við mennina. Hon spurði til Víga-Óbívans: "Hvat segir
þú mér til Maular ins rauða Zabrakssonar, hirðmanns Falfaðins?"
"Þat," sagði Víga-Óbívan, "at ek hjó hann í sundr í miðju."
"Njóttú heill handa," segir Paðéma. Gerðisk Víga-Óbívan ok Anakinn þá
hirðmenn Paðému dróttningar, ok kom Anakinn sér brátt í kærleika mikla við
hana.