III. Kapítuli: Frá Maul rauða Zabrakssyni ok vígi Kvæggans (Chapter 3:
Concerning Maul Zabraksson the Red and the Killing of Kvæggan)
March 1, 2010 in The saga | Leave a comment

Maul rauði hét maðr, hirðmaðr Falfaðins. Var hann sonr Zabraks, sonar
Iridóniu. Hann var atgørvimaðr mikill.

Þá Falfaðinn spurði, at þeir Jóði hofðu farit ór Nóregi, hann reiddisk, ok
kallaði til sín Maul rauða, ok sendi hann til Íslands.

"Far nú til Íslands," segir Falfaðinn, "Ok drep þú Jóða Gormóarson."

En þá er Maul rauði kom til Íslands, þat var morg ár áðr en hann fann heim
Kvæggans í Tattúínárdal. Kvæggan var ekki heima, en þrællinn Anakinn var úti
ok vann heyverk.

"Seg þú mér, hvar húsbóndi þinn er," segir Maul.

"Hann er ekki heima," segir Anakinn, "En sonr hans er í afhúsi."

Maul gengr þá til afhússins, en fann Víga-Óbívan eigi. En Anakinn rennr
þegar til hloðu, ok eru þeir feðgar þar.

Kvæggan sér Anakin. "Ok hví vinnr þú eigi?"

"Ek vinn eigi, en hirðmaðr Falfaðins vinnr," segir Anakinn.

Maul rauði kømr nú til hloðu, ok sér hann Kvæggan. Hann bregðr tveimr
sverðum, ok leggir fram at Kvæggani ok Víga-Óbívani ok hefir alt eitt atrið.

Var Víga-Óbívan alvápnaðr. Annat sverð Maular kom á ina vinstri hliðina ok í
skjoldinn fyrir neðan munnríða, ok klofnaði hann í sundr; sverðit hljóp í
fótinn fyrir ofan kné ok svá nam þar staðar. Annat sverð hjó til Kvæggans á
oxlina ok frá ofan hondina, ok var þat hans banasár. En Víga-Óbívan slomði
til Maular rauða sverðinu Ljósamæki ok hjó hann í sundr í miðju.

"Faðir," segir Víga-Óbívan til Kvæggans.

"Of seint er þat," mælir Kvæggan.

"Ekki er þat," segir Víga-Óbívan.

Kvæggan mælti: "Óbívan, heit mér því, at þú skylir leysa sveininn, því at
hann hefir verit mjok haldorðr ok tryggr. Hét it, at it skylið hefna mín."

Víga-Óbívan játar þessu.
Fred and Grace Hatton
Hawley Pa