----- Original Message -----

From: Erich Rickheit KSC

To: norse_course@yahoogroups.com

Sent: Wednesday, March 17, 2004 3:54 AM

Subject: [norse_course] Hrafnkell 225-249

It look like I've taken over the posting of lines from Hrafnkell's saga.
What schedule do people like for these to appear? How long do we like to
leave before posting our translations?

Text is also available at:
  http://sniff.numachi.com/~rickheit/hraf/hfsag.html#trans10

      Erich

Þorbjörn mælti þá mörg herfilig orð til bróður síns

ok segir því síðr dáð í honum sem meira lægi við.

Hann ríðr nú í brott, ok skiljask þeir með lítilli blíðu.

Hann léttir eigi, fyrr en hann kemr ofan til Leikskála, drepr þar á dyrr.

Var þar til dura gengit.

Þorbjörn biðr Sám út ganga.

Sámr heilsaði vel frænda sínum ok bauð honum þar at vera.

Þorbjörn tók því öllu seint.

Sámr sér ógleði á Þorbirni ok spyrr tíðenda,

en hann sagði víg Einars, sonar síns.

'Þat eru eigi mikil tíðendi', segir Sámr, 'þótt Hrafnkell drepi menn.'

Þorbjörn spyrr, ef Sámr vildi nökkura liðveizlu veita sér.

'Er þetta mál þann veg, þótt mér sé nánastr maðrinn,

at þó er yðr eigi fjarri höggvit.'

'Hefir þú nökkut eptir soemðum leitat við Hrafnkel?'

Þorbjörn sagði allt it sanna, hversu farit hafði með þeim Hrafnkeli.

'Eigi hefi ek varr orðit fyrr', segir Sámr,

'at Hrafnkell hafi svá boðit nökkurum sem þér.

Nú vil ek ríða með þér upp á Aðalból,

ok förum vit lítillátliga at við Hrafnkel,

ok vita, ef hann vill halda in sömu boð.

Mun honum nökkurn veg vel fara.'

'Þat er bæði', segir Þorbjörn, 'at Hrafnkell mun nú eigi vilja,

enda er mér þat nú eigi heldr í hug en þá, er ek reið þaðan.'

Sámr segir: 'Þungt get ek at deila kappi við Hrafnkel um málaferli.'



A Norse funny farm, overrun by smart people.

Homepage: http://www.hi.is/~haukurth/norse/

To escape from this funny farm try rattling off an e-mail to:

norse_course-unsubscribe@yahoogroups.com