Here's the next section.
Begin sending translations : Sept. 15 Those who have comments and
corrections of Hrafnkel 1-18, may also beging sending those.
Begin sending corrections of 19-46 : Oct. 1
___________________________________________________________________
CHAPTER 2
Hrafnkell lagði þat í vanða sinn at ríða yfir á heiðar á
sumarit.
Þá var JQkulsdalr albyggðr upp
at brúm.
Hrafnkell reið upp eptir Fljótsdalsheiði ok sá,
hvar eyðidalr gekk af JQkulsdal.
Sá dalr sýndisk Hrafnkatli byggiligri en aðrir dalir,
þeir sem hann hafði áðr sét.
En er Hrafnkell kom heim, beiddi hann fQður sinn fjárskiptis,
ok sagðisk hann bústað vilja reisa sér.
Þetta veitir faðir hans honum,
ok hann gerir sér bœ í dal þeim ok kallar á Aðalbóli.
Hrafnkell fekk Oddbjargar SkjQldólfsdóttur ór Laxárdal.
Þau áttu tvá sonu.
Hét inn ellri Þórir, en inn yngri ÁsbjQrn.
En þá er Hrafnkell hafði land numit á Aðalbóli,
þá efldi hann blót mikil.
Hrafnkell lét gera hof mikit.
Hrafnkell elskaði eigi annat goð meir en Frey,
ok honum gaf hann alla ina beztu gripi sína hálfa við sik.
Hrafnkell byggði allan dalinn ok gaf mQnnum land,
en vildi þó vera yfirmaðr þeira ok tók goðorð yfir þeim.
Við þetta var lengt nafn hans ok kallaðr Freysgoði,
ok var ójafnaðarmaðr mikill, en menntr vel.
Hann þrøngði undir sik JQkulsdalsmQnnum til þingmanna
hans,
var linr ok blíðr við sína menn,
en stríðr ok stirðlyndr við JQkulsdalsmenn,
ok fengu af honum engan jafnað.
Hrafnkell stóð mjQk í einvígjum
ok bœtti engan mann fé,
því at engi fekk af honum neinar bœtr, hvat sem hann
gerði.
Fljótsdalsheiðr er yfirferðarill, grýtt mjQk ok blaut,
en þó riðu þeir feðgar jafnan hvárir til annarra,
því at gott var í frændsemi þeira.
Hallfreði þótti sú leið torsótt ok leitaði sér leiðar fyrir ofan
fell þau,
er standa í Fljótsdalsheiði.
Fekk hann þar þurrari leið ok lengri, ok heitir þar
Hallfreðargata.
Þessa leið fara þeir einir, er kunnugastir eru um
Fljótsdalsheiði.