The worm turns and the stage is set!!

 

Hann er lengi tregr, en þó þorir hann víst eigi annat.  Bơðvarr lætr hann drekka tvá sopa stóra; hann lét hann ok eta nơkkut af dýrshjartanu.  Eptir þetta tekr Bơðvarr til hans ok áttusk þeir við lengi.  Bơðvarr mælti: “Helzt ertu nú sterkr orðinn, ok ekki vænti ek at þú hræðisk nú hirðmenn Hrólfs konungs.”  Hơttr sagði, “Eigi mun ek þá hræðask ok eigi þik upp frá þessu.”  “Vel er þá orðit, Hơttr félagi.  Fơru vit nú til ok reisum upp dýrit ok búum svá um at aðrir ætli at kvikt muni vera.”  Þeir gøra nú svá.  Eptir þat fara þeir heim ok hafa kyrt um sik, ok veit engi maðr hvat þeir hafa iðjat.

 

Konungr spyrr um morguninn hvat þeir viti til dýrsins, hvárt þat hafi nơkkut þangat vitjat um nóttina.  Honum var sagt at fé alt væri heilt í grindum ok ósakat.  Konungr bað menn forvitnask hvárt engi sæi líkindi til at þat hefði heim komit.  Varðmenn gørðu svá ok kómu skjótt aptr ok sơgðu konungi at dýrit foeri þar ok heldr geyst at borginni.  Kongungr bað hirðmenn vera hrausta ok duga nú hvern eptir því sem hann hefði hug til, ok ráða af óvætt þenna; ok svá var gơrt, sem konungr bað, at þeir bjoggu sik til þess.

 

 

Hope you have fun with this!

Kveðja,

Sarah.