VIII. Kapítuli: Frá Smý Anakinsmóður (Chapter 8: Concerning Smý, the Mother
of Anakinn)
Nú varð Anakinn hirðmaðr Paðému, ok fylgir hann henni, í ollum stoðum, hvert
er hon þurfti at koma. Þau skiptu morg orð saman leynilega, ok menn sogðu
hlæjandi, at Anakinn himingangari þrælsson skyli biðja hennar fogru
dróttningar.
Þat er sagt eitt sinn, at Anakinn sagði Paðému draum sinn: "Þat dreymði
mik," segir hann, "At ek þóttumk sjá móður mína, ok ek sá hana, jafnvel svá
skírt at ek þóttumsk sjá hana sem ek sé þik. Hon þolr þjáningar, ok menn er
ek kenni eigi drepa hana. Veit ek, at ek svar þess, at ek verja þik, en ek
fæ eigi látit hana þola svá. Þat er engi annarr kostr en hjálpa móður
minni."
Paðéma segir, "En ef þú hlýtr at verja mik, svá ok hlýt ek at vera með þér."
"Já víst," segir Anakinn, "En þú fær ekki komit með mér til Íslands. Er land
þat hættumikit."
"Ek em dróttning," segir Paðéma, "Ok fæ ek gort þat er ek vil."
Síðan bjuggu þau Anakinn ok Paðéma ferð sína, ok þau kvámu til Íslands í
Nobudal, ok sváfu þau þar á strond nætr sakir.
Paðéma sagði, "Þá er ek var barn, skemta ek mér á strond, liggjandi á sandi
ok þornandi undir sól. Ok ek gloddumk með at geta um nofn fuglanna er
sungu."
"Mér líkar ekki vel sandr," mælti Anakinn.
At morni fóru þau til Mósæslastaða, ok fundu þar Vattó. Anakinn spurði,
"Hvárt þú hefr sét Smý, móður mína."
"Ekki á ek hana lengr," segir Vattó.
Anakinn spurði, "Veizt þú, hvar hon er?"
"Ek selða hana í hendr bónda er heitir Kléggr Larsson, ok býr hann at
Vatnabo í Tattúínárdal."
Ferr Anakinn nú til Vatnabojar ok Paðéma með honum. Þar finna þau húsabo ok
mann úti, ok klauf skíð. Anakinn spurði þann mann at nafni, en hann nefndisk
Óinn. Óinn spurði at hans nafni, ok nefndisk Anakinn sem hann hét. Óinn
kenndi nafn þetta. Síðan leiddi hann Anakin ok Paðému inn með sér; þar váru
hús lítil ok vel gor. Bóndi sagði húsfreyju sinni, at menn váru komnir.
Húsfreyja hans hét Bera. Hon sá Anakin ok þá sagði, "Flestir munu af manni
þessum illt hljóta, en þó muntú ráða vilja."
Faðir Óins hét Kléggr. Hann sat inn í húsi ok kom eigi út; var hann maðr
fóthoggvinn.
Anakinn spyrr, "Hvar er Smý, móðir mín, er Vattó í Mósæslastoðum selða í
hendr þér?"
Kléggr segir, "Ránsmenn miklir, Tuskinssynirnir, nam hana."
Anakinn spyrr, "Hvárt þessar óðáðir sé hefndalausir?"
"Fór ek til Tuskinssona, ok ætlaða ek at nema hana aftr," segir Kléggr, "En
kom ek heim einfotingr."
Anakin þegir. Síðan stendr hann, ok gengr út.
Óinn spyrr, "Hvert ferðú?"
"Til þess at finna móður mína," segir Anakinn.
"Hon er dauð, mágr minn," kvað Kléggr.
"Ekki er þat satt," said Anakinn, "Ok fæ ek sét hana í draumum mínum. Veit
ek, at hon lifir enn, ok hlýt ek at finna hana."
Óinn mælti, "Ek vil gefa þér hest minn, er beztr er hér í sveitum."
Anakinn mælti, "Víst kem ek aptr skjótliga."
Um morgininn fyrir sólarroð kemr Anakinn til húss Tuskinssona. Hann sér konu
á jorð, er bloðr mjok, ok kennir móður sinn.
"Móðir," segir Anakinn.
Hon spyrr, "Hvárt ek heyri rodd Anakins, sonar míns?"
"Ek em hér, móðir. Ek skal hefna þín, ok vit munum ríða heim saman," segir
Anakinn.
"Anakinn," segir hon, "Þú ert víst maðr drengiligr, ok er líf mitt
fullkomit, með því at ek kenni þik mann góðan." Andaðisk Smý í knjóm
Anakins. Anakinn hljóp þá upp í hus ok drepr mjok marga menn. Síðan ferr
hann til Vatnabojar með líki móður síns, ok þar brenndi hann lík hennar.
Anakinn lét erfa móður sína eptir fornri siðvenju.