Sorry for the delay. We got hit with a snow storm Monday night - heavy wet
snow and high winds while there were still leaves on the trees - and lost
power until last night and the internet wasn't back up until this morning.
State roads and even the Interstate was closed here most of Tuesday.

Grace

Þá spratt Ásgrímur upp og mælti til Njálssona: "Ganga munum vér og leita oss
vina að vér verðum eigi bornir ofurliði því að þetta mál mun verða sótt með
kappi."

Ásgrímur gekk þá út og næst honum Helgi Njálsson, þá Kári Sölmundarson, þá
Grímur Njálsson, þá Skarphéðinn, þá Þórhallur Ásgrímsson, þá Þorgrímur hinn
mikli, þá Þorleifur krákur. Þeir gengu til búðar Gissurar hins hvíta og
gengu inn í búðina. Gissur stóð upp í móti þeim og bað þá sitja og drekka.

Ásgrímur svarar: "Eigi veit þannig við og skal þetta ekki á mutur mæla.
Hverrar liðveislu skal eg þar von eiga er þú ert frændi?"

Gissur svaraði: "Það mundi Jórunn systir mín ætla að eg mundi eigi undan
skerast að veita þér. Skal og svo vera nú og oftar að eitt skal ganga yfir
okkur báða."

Ásgrímur þakkaði honum og gekk í braut síðan.

Þá spurði Skarphéðinn: "Hvert skal nú ganga?"

Ásgrímur svarar: "Til búðar Ölfusinga."

Síðan gengu þeir þangað. Ásgrímur spurði hvort Skafti Þóroddsson væri að
búð. Honum var sagt að hann var þar. Gengu þeir þá inn í búðina. Skafti sat
á pallinum og fagnaði Ásgrími. Hann tók því vel. Skafti bauð Ásgrími að
sitja hjá sér.

Ásgrímur kveðst skamma dvöl eiga mundu "en þó er við þig erindið."

"Lát heyra það," segir Skafti.

"Eg vil biðja þig liðsinnis," segir Ásgrímur, "að þú veitir mér lið og mágum
mínum."

"Hitt hafði eg ætlað," segir Skafti, "að ekki skyldu koma vændræði yður í
híbýli mín."

Ásgrímur svarar: "Illa er slíkt mælt að verða mönnum þá síst að liði er mest
liggur við."

"Hver er sá maður," segir Skafti, "er fjórir menn ganga fyrri, mikill maður
og fölleitur, ógæfusamlegur, harðlegur og tröllslegur?"
Fred and Grace Hatton
Hawley Pa