Auðun ventures off once again.
Ok nú gaf konungr honum silfr mjök mikit, ok fór
hann suðr síðan með Rúmferlum, ok skipaði konungr til um ferð hans, bað hann
koma til sín, er kvæmi aptr.
Nú fór hann ferðar sinnar, unz hann kømr suðr í
Rómaborg. Ok er hann hefir þar dvalizk, sem hann tíðir, þá ferr hann aptr;
tekr þá sótt mikla; gørir hann þá ákafliga magran.
Gengr þá upp alt féit þat er konungr hafði gefit
honum til ferðarinnar; tekr síðan upp stafkarls stíg, ok biðr sér matar.
Hann er þá kollóttr ok heldr ósælligr.