OK. Here comes part 4! [Hopefully
without typos!]
Konungr mælti: "Villtu selja oss dýrit við slíku
verði sem þú keyptir?" Hann svarar: "Eigi vil ek þat, herra."
"Villtu þá," segir konungr, "at ek gefa þér tvau verð slík? ok mun þat réttara,
ef þú hefir þar við gefit alla þína eigu." "Eigi vil ek þat, herra", segir
hann. Konungr mælti: "Villtu gefa mér þá?" Hann svarar, "Eigi,
herra." Konungr mælti: "Hvat villtu þá af gøra?" Hann svarar:
"Fara," segir hann, "til Denmerkr ok gefa Sveini konungi." Haraldr konungr
segir, "Hvárt er, at þú ert maðr svá óvitr at þú hefir eigi heyrt ófrið þann er
í milli er landa þessa, eða ætlar þú giptu þína svá mikla, at þú munir þar
komask með gørsimar, er aðrir fá eigi komizk klakklaust, þó at nauðsyn eigi
til?"