Here's the text! You may begin posting translations on or after Sept.
1. Please do not post corrections or comments on any translation until on
or after Sept. 15. May I suggest copying and pasting it into a new email
with the subject line Hrafnkel 1-19 / [your name] -- just add your translation
below each line.
Thanks and have fun!
Laurel
__________________________________________
CHAPTER 1
Þat var á dögum Haralds konungs
ins hárfagra,
Hálfdanar sonar ins svarta,
Guðrøðar sonar
veiðikonungs,
Hálfdanar sonar ins milda ok ins matarilla,
Eysteins
sonar freys,
Oláfs sonar trételgju Svíakonungs,
at sá
maðr kom skipi sínu til Íslands í Breiðdal, er Hallfreðr hét.
Þat er
fyrir neðan Fljótsdalsherað.
Þar var á skipi kona hans ok sonr, er
Hrafnkell hét.
Hann var fimmtán vetra gamall, mannvænn ok
gørviligr.
Hallfreðr setti bú saman.
Um vetrinn andaðisk útlend
ambátt, er Arnþrúðr hét,
ok því heitir þat síðan á
Arnþrúðarstöðum.
En um várit foerði Hallfreðr bú sitt norðr yfir heiði ok
gerði bú þar,
sem heitir í Geitdal.
Ok eina nótt dreymði hann, at
maðr kom at honum ok mælti:
'Þar liggr þú, Hallfreðr, ok heldr
óvarliga.
Foer þú á brott bú þitt ok vestr yfir Lagarfljót.
Þar er
heill þín öll.'
Eptir þat vaknar hann ok foerir bú sitt út yfir Rangá í
Tungu,
þar sem síðan heitir á Hallfreðarstöðum,
ok bjó þar til
elli.
En honum varð þar eptir geit ok hafr.
Ok inn sama dag, sem
Hallfreðr var í brott,
hljóp skriða á húsin,
ok týndusk þar þessir
gripir,
ok því heitir þat síðan í
Geitdal.